Ti: Po, k, co

no-mU a< di: ji

怒江首家高端半山酒店登埂温泉酒店正式开业

2020-12-24 10:41:54 nyi. n,:{{ hits }}   do> tL<    Po, (U) su 忠林邓
Nyi< si< Ju> no-mU a< di: ji


12 v 21 nyi TA:] no-mU a< di: ji" m a: g Ti: TE we R yi: t< vi P wu< Ti: vi p, s cyu ty, tL-kL wD CA: cyu ty, m rE: tu tu kDo} nu,-c fou Ju, fou f ti-xyu,-hw] nu,-c fou Ju: PI: TL: fi KA J: yo xA, ko si. t we su ci,] to si, f fao,-li: ny rE: tu tu VO: ye m kw zi; t si< m< mi: c. kDo}

cy, mL ny] p, s cyu ty, tL-kL wD CA: cyu ty, m ny 2019 Ko; 4 v TA: xy, tu tu nyi] 2020 Ko; 9 v TA: xy, gu le si<] a: jU: TA: we R yi; t< tL< 54 ko, jo] fai ny] yi. lE du: ti, tL<] yi. bE s< tL<] R nE m Fi k, tL<] j xE: TL tL<] mo do n: tL<] z: xU: z: je: z: tL<] zi; du ye tL< be we xo l: xo pai ye tL< TE lE a: my, xU: xy, tL. t<" lo}



a lio bA ny] we R yi: t< vi TE m xy, tL. TA:] myE: ye w: 2000 ro m: Fi hw rE: kD] myE: ye w: ny Ti: Ko; nA' kw 6 mL: PA; x mL leo} a mL] we R yi; t< vi kw myE: ye su 98 ro hw rE: v,] TE m nA' kw] 60 ro m ny no-mU su V} cyu ty, kw a: jU: TA: myE: ye su 130 ro hw kL to;] v b Ti: m w: PU ny 3600 PA; ku si. m: Fe fi] fai ny] TE kw k, co l to; su ny yi; t< tL< wu. si< k, co V ny yi. lE du: ti, PU Ti: ro 228 PA; bL si< k, co l d" lo}


we R yi: t< vi kw myE: ye ty, su Ju:-yE,-me, ny lu:-Ku, fD, xw-mi-di K, kw be t,-lo:-T: sA, CE kw cU< l su Vo] yi< ny hL< TA: TA: yi< vi si. P: Ti: CO" s,-hA mU kw w: mu fo V] go si<] L: R ku, le nyi Fo mo: R nE tA< co Ju m: w] a mL] sA, CE kw cU< CI l gu k< nA<] tL-kL wD CA: cyu ty, su le sA, CE kw w: mu su hw l nyi] Vw be Vw vi si. P: ny cyu ty, kw w: mu w leo be bA" lo}



si. t< m do: xU;